ភ្នំពេញ៖ កម្លាំងជំនាញមន្ទីរប្រឆាំងគ្រឿងញៀនបានបើកប្រតិបត្តិការបង្ក្រាបគ្រឿងញៀនមួយខ្សែឃាត់ខ្លួនបានជនសង្ស័យចំនួន ៥នាក់ និងរឹបអូសគ្រឿងញៀនបាន ១៩ ១៥០ក្រាម។
យោងតាមអគ្គស្នងការនគរបាលជាតិការចុះបង្ក្រាបករណីជួញដូរគ្រឿងញៀនខុសច្បាប់ នៅ៣គោលដៅផ្សេងៗគ្នា កាលពីថ្ងៃទី០៨-០៩ ខែមករា ឆ្នាំ២០២៣ ដោយគោដៅទី១ តាមបណ្តោយផ្លូវជាតិលេខ៤១ ស្រុកសំរោងទង ខេត្តកំពង់ស្ពឺគោលដៅទី២ ក្នុងបរិវេណភោជនីយដ្ឋាន មិត្តភាព ភូមិស្តង់តាងួន សង្កាត់ប៉ាលីឡៃ២ ក្រុងប៉ោយប៉ែត ខេត្តបន្ទាយមានជ័យ និងគោលដៅទី៣ ក្បាលស្ពាន១ សង្កាត់ប៉ាលីឡៃ១ ក្រុង ប៉ោយប៉ែត ខេត្តបន្ទាយមានជ័យ។
ជនសង្ស័យសុទ្ធតែជាបុរសដែលមានអាយុពី ៣៤ឆ្នាំ ដល់៤១ឆ្នាំ
សារធាតុញៀនដែលចាប់បានជាប្រភេទមេតំហ្វេតាមីន (ICE) ទម្ងន់ ១៩ ១៥០ក្រាម។
បច្ចុប្បន្នជនសង្ស័យ និងវត្ថុតាង កម្លាំងជំនាញបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់៕
